Guru Mughni, Guru Agamnye Orang-orang Betawi di Jakarte

Abdul Mughni bin Sanusi bin Ayub bin Qoys, lebih kesohor dengan name Guru Mughni. Guru Mughni adalah ulame tername di Tane Betawi, pada abad ke-19. 

Boleh dibilang kalo hampir dari separo dari ulame kenamaan di Betawi nih pade mase sebelum kemerdekaan adalah murid-muridnye.

Guru Mughni lahir di Kuningan Jakarta Selatan + tahun 1860 dari pasangan H. Sanusi bin Ayyub dan Hj. Da’iyah binti Jeran. Guru Mughni adalah anak bontot dari tige bersaudare (Romli, Mahali, ame Ghozali).

Kalo dari literatur nyang ade, Guru Mughni adalah ulame Betawi generasi kelime ame Guru Marzuki di Jatinegare, Guru Madjid di Pekojan ame Guru Mansur di Jembatan Lime, Guru Mahali  di Kebayoran, Habib Utsman di Petamburan, dan Habib Ali di Kwitang.

Kenape Guru Mughni begitu kesohor, dikarenain Guru Mughni ntuh bise dibilang sebage pelopor penyebaran dan pengajaran agame Islam di lingkungan masyarakat Betawi pada akhir abad 19.

Beberapa muridnye ntuh diantaranye, Guru Abdurrahman (dari Pondok Pinang), Guru Kasim (Mester/Jatinegara), Guru Mughni (Lenteng Agung), Guru Ilyas (Karet), Guru Raisin, Guru Hamim dan KH. M. Na’im (Cipete), H. Sa’idi (Blok A), KH. Abdullah Suhaimi (Mampang), KH. Ismail, KH. Abdurrahim dan KH. Muhammad Ma’mun (Kuningan).

Semase hidupnye, Guru Mughni terbitin Kitab Taudhih al-Dala’il fi Tarjamat Hadits al-Syama’il, nyang ditulis dengan huruf Arab Melayu nggunain bahasa Betawi nyang “Betul-betul Asli”. 

Kitab tersebut dicetak pade percetakan Sayyid Yahya bin Uthman bin Yahya di Tanah Abang tahun 1926, tepatnye bulan Rajab 1349 H.

Nyang Bae ntuh Elu, bukan Agame nyang buat Elu jadi Bae

"Agama Tidak Membuat Orang Jadi Baik

Tidak ada satu Agama pun di dunia, yang bisa membuat orang jadi baik. Yang ada; Orang baik dan mempunyai niat yang baik, menggunakan Agama apa pun, untuk tujuan kebaikan. Pasti dia akan jadi baik.
Jadi pilihlah Agama yang sesuai dengan Hati Nurani."

Bekasi (WartaBetawi) - Ntuh kate-kate gue salin dari laman sebele. Pertamenye gue kesel bacanye, pas gue pikir-pikir lagi, ternyate bener kate ntuh orang.

Nah elu banyangin dah, kalau emang Agame bise seketike buat orang jadi bae, lha kita kagak perlu nyang namanye penjare. Karene bisa aje bim sala bim kite masukin ntuh orang-orang jahat ke Agame nyang bise langsung bikin orang jadi bae. Jadi dah orang-orang ntuh langsung pade jadi orang-orang bae.

Kenyataannye khan kagak gitu, orang berAgame, ternyate berkelompok buat kejahatan nyang kagak karuan. Jadi gue yakin dah same pernyataan di atas. Nyang bae kudu diri kite duluan, bukan cari Agame yang bise buat kite jadi bae.

Nah mulain dari sekarang nih ye, Elu kudu punye Budi Pekerti dulu, seperti ajaran Leluhur kite-kite orang, baru dah Elu pilih tuh Agame nyang cocok buat Elu pade.

Sekarang nih, banyak orang nyang berpakaian gayenye doang kaye orang  bae-bae, padahal hatinye setan.

Mending Elu kagak usah ngaku-ngaku Agame Elu ape? Tapi nyang penting, Elu Berbudi Pekerti.

Tentang Sorga ame Nerake, Elu serahin aje ame Tuhan YME. Soalnye sampe detik ini, belum ade orang nyang perne ke Nerake atawa ke Surge, nyang balik ke Bumi, terus kasih testimoni.

Kagak mungkin orang mau masuk Surge harus bunuh ciptaannye sang Pencipte, gile aje kali. Tapi nyang kite lihat sekarang nih, orang mati-matian bunuh orang nyang kagak seiman, katanye buat masuk Surge... Elu waras? (SSM)

Foto : Istimewa

Dunie akuin Sekarang nih Langit Indonesia Mangkinan Aman

Jakarta (WartaBetawi) – Banyak pujian dari dunia penerbangan Indonesia. Kagak tanggung-tanggung nyang muji ntuh lembaga internasional yang ude kesohor dalam memonitor dunia penerbangan: ICAO (Organisasi Penerbangan Sipil Internasional). Menurut ICAO, faktor keselamatan penerbangan RI dari hasil On Site Visit ICAO Coordinated Validation Mission (ICVM) meraih angka 81,15 persen.

Hasil enih langsung ditanggapi Direktur Jendral Perhubungan Udara Kementerian Perhubungan Agus Santoso langsung bilang kalo kini tingkat keselamatan penerbangan Indonesia menjadi yang nomor dua di ASEAN. “Dengan ini maka kita jadi yang nomor dua di ASEAN, di atas kita masih ada Singapura. Tapi kan kita punya kompleksitas yang berbeda dengan Singapura,” tutur Agus kepada pers (21/11).

Marsma (Purn) Juwono Koelbion, Vice President Indonesia Aviation and Aerospace Watch juge puji prestasi tersebut. “Keberhasilan ini menunjukkan kinerja Penerbangan Indonesia diakui dengan sangat baik oleh dunia Internasional. Terutama dalam hal implementasi aturan-aturan keselamatan penerbangan Internasional yang tercantum dalam Annex 1 s/d 19 ICAO.

Kalo kate Marsekal Bintang Satu ini, pade 10 sampe 18 Oktober 2017 lalu ICAO melakukan Universal Safety Oversight Audit Programme (USOAP) ato Audit Pengawasan Keselamatan Penerbangan di Indonesia. Audit dilakukan secare langsung (on site) melalui proses ICVM (ICAO Coordinated Validation Mission) setelah dilakukan audit dokumen (off site) pada September 2017.

Ade delapan area nyang jadi fokus ICVM dari ICAO, yaitu Legislation (LEG), Organization (ORG), Personnel Licensing (PEL), Airworthiness (AIR) , Operations (OPS), Air Navigation (ANS), Aircraft Investigation (AIG) dan Aerodromes (AGA).

Ditjen Perhubungan Udara dari awal 2017 lalu hingga saat ini pada tahap off site, hingga 10 September lalu sudah berhasil menjawab 417 dari 421 (hampir 100 persen) temuan atau finding Protocol Questions (PQs). Hasilnya telah dikirimkan oleh NCMC (National Continous Monitoring Coordinator) pada ICAO HQ melalui OLF (Online Frame Work) CMA.

“Capaian 81 persen itu diraih melalui penguasaan technical dan managerial leadership dengan cara mengajak semua stakeholder yang terlibat dalam penerbangan menyadari pentingnya keselamatan melalui pemenuhan aturan yang telah disiapkan secara konsisten,” sambung Agus.

Biar Elo pada tau kalo ICAO udeh beberape kali lakuin audit USOAP ke Indonesia nyang hasilnye kurang ngeyakinin. Pade 2007, hasil audit ICAO hanye Compliance 54 persen. Abis entuh tahun 2014, hasil Audit ICAO malah turun jadi Compliance 45 persen. Dan pade 2016 hasilnye naik sedikit jadi Compliance 51 persen (offsite Validation). Skor compliance ini masih di bawah rate-rate dunie nyang pake passing grade 63 persen.

Faktenye nunjukkin kalo pihak Indonesia udah ngelakuin berbage perbaikan. Berbage langkah koreksi dan perbaikan segere dilakuin dengan kerje keras dan kerjasame nyang apik antare regulator, operator ame segenap pemangku kepentingan penerbangan di Indonesia. .

“Untuk mempertahankan compliance yang telah dicapai ini regulator dan operator harus senantiasa menjaga dan selalu memenuhi ketentuan yg berlaku. Dan kepada operator maskapai penerbangan duminta agar selalu berpegang teguh pada ketentuan yang telah disetujui dan selalu disiplin,” pesan Juwono (ab).

Foto: Istimewa

Selamat Bapak Agum Gumelar nyang ketige kalinye jadi Ketua Umum Pepabri

Jakarta (WartaBetawi) – Musyawarah Nasional ke-XV Persatuan Purnawirawan dan Warakawuri TNI-Polri atau Pepabri akhirnye pilih lagi gacoannya untuk ketige kalinye Jenderal (Purnawirawan) Agum Gumelar sebagai Ketua Umum kepengurusan Pepabri periode 2017-2022.

Munas nyang diselenggarain di Hotel Kartika Chandra, Jakarte (23/11), juge bacain amanat Presiden RI Joko Widodo nyang diwakili ame Menko Polkam Wiranto, biar Pepabri senantiasa memasang teguh nilai-nilai Sapta Marga, Sumpah Prajurit dan Tribrata, yang dirangkum dalam Catum Dharma Pepabri.

Pade waktu ditanyain WartaBetawi terkait bentar lagi udeh “tahun politik” di 2018 ame 2019 nanti, Agum Gumelar menegaskan bahwa “sebagai suatu institusi, kelembagaan, kita sebagai punawirawan mengacu pada induknya TNI – Polri. Yang masih aktif harus netral. Bedanya dgn di Pepabri, sy melarang para anggota untuk membawa nama lembaga  mendukung salah satu calon Pilkada atau Pilpres. Tetapi sebagai ggota biasa, seorang purnawirawan haknya sama dengan masyarakat sipil biasa. Saya berikan kebebasan sebagai individu (bisa dipilih dan memilih). Silahkan memilih. Pilihlah sesuai dg hati nuraninya.”

Lebih mendalem lagi mantan Ketua Umum PSSI ini bilang, bahwa perbedaan memilih itu sifatnya hanya sementara. “Perbedaan itu akan berakhir ketika Pilkada dan Pilpres selesai. Semua harus menerima apapun yang menjadi keputusan itulah penabrj dan Purnawarman . Kita harus memberikan contoh dalam kehidupan berdemokrasi,” tegas Agum. Intinya, Pepabri memang memiliki misi yang jauh lebih penting, mengabdi kepada negara hingga akhir hayat (ab).

Foto: abri

Mase Kecil Bahagie, Gede Elo pasti Sehat pikiranye...

Bekasi (WartaBetawi) Kagak jarang mase anak-anak jadi cermin kite waktu dewase. Di hari perayaan Hari Anak Sedunia enih, kagak ade salahnye kalo kite ngomongin esensi dari kehidupan anak-anak ntuh sendiri.
Banyak nyang bilang, kebahagiaan seseorang juge bise diliat dari kualitas kebahagiaannye waktu die masing kecit. Olehkarenanye, Balita ato tahun emas disebut ama orang-orang nyang tau pendidikan psikologi anak, makanye Balite adalah saat nyang tepat bakal bekelin anak-anak kejenjang ke kebahagiaan nyang hakiki nantinye, saat mereka jadi orang gede nanti.
Anak-anak ntuh ibarat kertas putih nyang butuh coretan-coretan ber-Aura Positif, agar nantinye jadi Puisi-puisi Hidup nyang indah dalam alam bawah sadar si anak.
Kite semue dah tau, rusaknye remaje bukan tibe-tibe aje, tapi lebih karene proses Kognitif, Afektif, sampe Motorikmye nyang kagak berkesinambungan dalam rel nyang positif.
Pada kesempatan Hari Anak Sedunia enih, ngingetin kite nyang ude dewase untuk menerawang, ape kekurangan kite saat kite Balita dulu, bukan bakal nyalahin Orang Tua kite nyang mungkin lalai dalam mendidik kite, tetapi lebih pade biat kite bise ngelurusin rel nyang dulu mungkin sedikit bengkok, untuk menuju kebahagian nyang hakiki, pada akhirnye buat jadi sehat pikiran kite sendiri.
Bagi Orang Tua nyang kebetulan punye anak-anak Balita, jadiin momen enih untuk merenung, dan mensinkronkan pikiran Lo dengan talenta nyang udeh keliat sejak dini ame anak-anak Lo, biat anak-anak tumbuh dalam rel nyang bener disertai rase suke cite dan bahagie, tanpe beban pemaksaan kehendak Orang Tuanye sendiri.
Sekali lagi, Hari Anak adalah hak dan kewajiban kite semue, biar mereka tumbuh sehat segale-galenye. (SSM)

Sejarahnye Matraman

Kate Matraman ntuh diambil dari kate mataram – an sebutan bakal Pasukan Sultan Agung nyang berasal dari Mataram Jawa Tengah, yang sekarang nih namenye Yogyakarta, ketika menuju  daerah Batavia dalam rangke menyerang pasukan  VOC nyang dipimpin Gubernur Jenderal JP Coen. 

Dulu daerah Batavia (sebutan Belande bakal Orang Betawi) dibelah jadi dua bagean dengan garis pemisahnya Sungai Ciliwung di daerah Matraman.

Daerah Batavia adalah daerah  kekuasaan Pemerintah Kerajaan Belande (VOC) myang jadi jalur perdagangan dengan menggunakan Sungai Ciliwung. 

Sungai ini sanggup dilewati 30 perau myang membawa berbage barang keperluan sehari-hari dari luar kota nyang dikonsentrasiin di sekitar daerah Kali Baru Tanah Abang, dibawah kendali VOC yang berpusat di daerah Kali Besar Timur (sekarang), dan di sebelah barat Ciliwung tepatnya nyang jadi Matraman.

Benteng Mataram akhirnye dikuasain ame  Belande dan dijadiin benteng, sekarang jadi daerah bweerland / dulu digunain sebage Benteng kaveleri Belande dan posko pasukan berkuda, dan Kantor Dinas Blantbweer Markas Pemadam Kebakaran, sedangkan di seberangnya dijadikan gudang peluru ame amunisi meriam dan pemukiman tentara kompeni (tentara pribumi) sekarang disebut palmeriam (paal meriem).

Foto : Istimewa

Batik Betawi Gobang

Kalo elu pengen liat nyang namnye Batik Gobang asli Betawi, elu dateng aje ke wilayah Kelurahan Srengseng Kecamatan Kembangan.

Dimari Batik Betawi udah dapet sertifikat dari Kementerian Pendidikan dan Kebudayaan sebagai Warisan Budaya Tak Benda. 

Batik Gobang Jakarte adalah salah atu produk batik Betawi, tepatnye di Jalan Karya Utama Terusan, Gang G no 9 Kelurahan Srengseng. 

Nah dimari, elu bisa beli Batik sambil liat care pembuatannye.  

Karene sekarang nih, orang mulai sadar ame Budaye Leluhur, makanye Betawi juge kagak mau ketinggalan.  Pelestarian budaye Betawi memang ude kudu dibopong tinggi-tinggi. Makanye katenye nyang punye usahe ato produksi Batik Gobang nih, produksi batik asli Betawi nih udeh dimulain sejak 10 tahun nyang lalu ato lebih tepatnye sekitar tahun 2007.

Motif juga ade kaitannye ame ikon asli Jakarte, di antaranye gigi balang ame Ondel-ondel. Bedanye lagi ame Batik-batik nyang lain, Batik Gobang biasanye warnanye cerah, kagak kaye Batik Jawa Tengah nyang kebanyakan warne coklatnye..

Foto : Istimewa